Tone Brandal

Heilage makrell for ein dag. Det kokar i sentrum og ikkje minst i Romsdalsmuseet. Det er damenes aften, med store bokstavar.

– Det ække prog, det er dritbra! var ein av kommentarane som runga i redaksjonen i dag tidleg, og det handla sjølvsagt om nattas dampande happening i Teatret Vårt: Steamdome. Eit perkussivt progressivt verk som vart framførd første gong på Trondheim Jazzfestival i mai.

Ola Kvernberg innfridde forventningane til opningskonserten på Bjørnsonhuset. Og han var den første til å medgje at det var litt pretensiøst.

Dr. Kay and his Interstellar Tone Scientists kjem frå eit godt gøymt hjørne av verdsrommet.

Det var glissent med publikum i graset på Romsdalsmuseet, men knappe 10 min etter at Veronica Maggio regelrett spratt inn på scena med bandet sitt var det ikkje lenger noko å tenkje seg redd på. Ho vann publikum umiddelbart, og hadde oss i sin favn heile konserten igjennom.

Utselt. Det skulle berre mangle. Har du ikkje høyrt namnet Emilie Nicolas (med stum s!), så bur du mest truleg under ein stein ein stad i Surnadal.

I natt etter konserten med Sly & Robbie på Plassen, møtte eg Nils Petter Molvær i ei mørk sidegate, og spurte han pent om dersom han fekk velje spørsmål til eit intervju sjølv, kva ville han då verte spurt om? Dette var det han svarte meg. Og spurte seg.

Vi som har overlevd Moldejazz nokre gongar veit at dei tøffaste konsertane ofte er dei som startar ved midnatt. Møster! natt til fredag vert neppe noko unntak. Har du ikkje høyrt om Møster!? Vel, då har du ein fantastisk sjanse til å verte kjend med denne krem-musikken dersom du befinn …

Moldejazz 2014 er plutseleg straks over, og årets Artist in Residence Sidsel Endresen har overbevist oss om at ho var verdig den ærefulle oppgåva. Måndag serverte ho ein nydeleg seanse saman med Sekstetten, og onsdag eit episk gjenhøyr med Merriwinkle. Torsdagens bakoversveis har enda ikkje roa seg heilt etter utblåsinga …

– Hei og velkommen til runde nummer tre med Artist in Residence Sidsel Endresen. Konsertkonferansier Tor Hammerø spår at det vert ein festaften.

Tida er komen for å anbefale to gratiskonsertar med eit band som utan tvil burde stått i hovudprogrammet. Baker Hansen består av fem norske jazzutøvarar som vi garantert kjem til å høyre meir i frå: Sigurd Rotvik Tunestveit (vokal og gjendiktningar), Thomas Husmo Litleskare (trompet), Kjetil Jerve (piano), Stian Andreas Andersen …

Åtte år har passert sidan sist impro-trioen Merriwinkle opptrådte saman. På konsert nummer to som Artist in Residence er Sidsel Endresen gjenforent med Helge Sten (elektronikk, el-gitar) og Christian Wallumrød (flygel, elektronikk). Om tida på noko vis har påverka samspelet, er det utvilsamt i positiv forstand.

Årets Artist in Residence Sidsel Endresen har denne veka blitt tildelt eit høgst fortent høve til å samle trådar frå sitt rike utval av aktuelle musikalske samarbeid frå dei siste åra. Måndag kveld presterte ho, i grunn ikkje overraskande, å tvinne ein ny.